#廣東歌List
每個人都試過單戀，而單戀亦都分唔同嘅層次；有盲目為對方付出；有鍾意瘋狂FF；有明知對方都對自己有意思，但唔敢表白；有一直默默守候對方...
.
.
無論你係邊一種單戀， 以下六首歌總有一首啱你😉
1. 容祖兒 & 李克勤 - 刻不容緩
處於噯昧之中，知道對方對自己都有意思；比哂提示佢，但就因為膽怯遲遲唔肯主動表白心跡，亦都係單戀者成日遇到嘅問題。 .
.
「遲來一秒鐘 遲疑一秒鐘 從迎接你變做目送
遲來一秒鐘 沿途經過和結局 其實太不同
遲遲未預備 第一句愛你 已經足夠醞釀暗湧」
2. 陳奕迅 - 落花流水
無論有冇曾經得到過，或者注定最後分開，只要曾經為對方付出過、愛過就已經足夠。 .
.
「天下 並非只是有這朵花
不用 為故事下文牽掛
要是 彼此都有些 既定路程
學會灑脫 好嗎」
3. 衛蘭 - 一場誤會
每個未戀愛過嘅少男少女都經歷過呢個階段？憧憬愛情、而且幻想過理想情人嘅面貌，當有類似條件嘅異性經過，你就會不期然覺得對方都注意緊你，幻想佢都你睇中你、想追你...
.
.
「是我敏感 誤會戀愛降臨
從未發生 交不出初吻
從來沒有 情人會行近 日落黃昏」
4. 謝安琪 - 鍾無艷
單戀分好多種，其中一種悲慘單戀就一定係「有事鍾無艷、無事夏迎春。」你事事都可以為佢做，但佢只係睇中你弱點，有事需要你幫手時就利用你；而你就100%係兵。當你真係忍唔住要表白，佢就會派好人卡比你，再繼續利用你嘅善良同真心...
.
. 「被你一貫的讚許 卻不配愛下去
在你悲傷一刻必須解慰找到我樂趣
我甘於當副車 也是快樂著唏噓
彼此這麼了解 難怪註定似兄妹一對」
5. 陳柏宇 - 請跟我走
愛情最溫柔嘅境界就係明知對方有幾多情史，都唔會再過問同干涉，只係默默守候對方希望有一日可以比到佢幸福。 .
.
「別問其實有幾個男朋友
你有幾次內疚 瘡疤積壓幾厚
若你肯依戀我都足夠
地闊跟天厚 只想帶你走」
6. 張敬軒 - 春秋
愛一個人但遭到拒絕，之後以朋友身份守護對方；自己經常埋首喺痛苦之中，深知對方無將自己看在眼內，放唔低同時感到唔甘心。 .
.
「有沒有運氣再扮弱者玩失意
有沒有道理為你落髮必須得到世人同意
心灰得極可恥 心傷得無新意
那一線眼淚 欠大志」
#cantopop #cantonese #廣東歌 #廣東話 #hkpop #hkmusic #hkword #謝安琪 #鍾無艷 #林夕 #落花流水 #陳奕迅 #黃偉文 #無常 #容祖兒 #李克勤 #刻不容緩 #陳柏宇 #陳廣偉 #請跟我走 #單戀 #暗戀 #衛蘭 #一場誤會 #張敬軒 #春秋
Search